عندك حساب علي لنكدإنLinkedin
بص باختصار الموقع أُنشئ عام 2003 دا موقع مهم جدا عباره عن مزيج بين الفايسبوك وغوغل بلس بس الفرق هنا بنتواصل مع اصحاب الشركات والزملاء في العمل وكمان تقريبًا فوق ال 90% من الشركات على مستوى العالم تبحث عن الموظفين من خلال هذا الموقع،
دول 5 طرق علشان تتعلم من موقع لينكدان
من خلال الطرق دي ممكن تتعلم حاجات صعب تتعلمها في اي مكان تاني
و نخش عالخطوات بقا :-
1- الطريقة الاولي واللي ناس كتير بتستخدمها علشان تتعلم انا شخصيا اتعلمت منها حاجات ملقتهاش في النت كله ولقيت مصادر لينكات مفيدة بشكل قوي جدا جواها هي انك تبحث في الـ Groups ايون الجروبات علي لينكدان الجروبات مختلفة عن الفيس بوك هتلاقي جواها حاجات كتير مفيدة وحاجات متتخيلهاش مثلا لو عاوز تتعلم الـ Supply chain علم جديد وصعب تلاقيله ماتريال بمنتهي السهولة هتلاقي علي لينكدان
إبدأ باللينك دا :- goo.gl/cK8Ggb
ولو انت بتتعلم لغة ممكن كمان في فلتر البحث بتاع الجروبات تلاقي اللغات اختار اللغة اللي انت عاوزها وهيجيبلك الجروبات اللي باللغات دي
2- وهي انك تدخل علي الـ Pulses ودي بيبقي فيها افضل ناس بيكتبوا في لينكدان في جميع المجالات وتقدر تدخل عليها من اللينك دا
وهتلاقي كلمة pulse ممكن تدوس عليها هيظهرلك المجالات اختار اللي انت عاوزه
دا مثلا لينك علشان تتعلم ر
يادة الاعمال وازاي تبدأ بيزنس
وفي مجالات كتير زي التسويق والاقتصاد والسياسة وغيرهم كتيييير جداااا
الميزة بقي انه بيقولك مين الكاتب والكاتب دا غالبا بيبقي عنده خبرات كتيرة في المجال اللي هو كاتب فيه وانت ممكن تبعتله وتتواصل معاه لو اللغة عندك كويسة ... حقا العالم اصبح قرية صغيرة
3- الجامعات وهنا ركزوا شوية خصوصا الناس اللي عاوزة تسافر منح او تعرف مناهج الدراسة برة في جامعات العالم ادخلوا علي اللينك دا
هتلاقي لينكدان بيقولك get started
هتختار الجامعة اللي عاوزها او اللي بتفكر ونفسك تروحلها وهتلاقيه ظهرلك صفحة الجامعة ادخل عليها هتلاقي موظفين كتير فيها وناس بتفكر تدرس فيها
مش بس كدا كمان لو عندك سؤال بخصوص الدراسة هناك هتلاقي ناس بتساعدك وتقولك تعمل ايه علشان تدرس في الجامعة دي
4- موقع Slideshare.net واللي اشتراه لينكدان تقدر تدخل جواه وتسريش علي اي ماتريال من اي نوع في اي مجال وهتلاقي كتيييير جداااا عربي وانجليزي بس الانجليزي افضل واكتر
5- ادخل علي لينكدان وبعدين هتلاقي في البار اللي تحت السيرش كلمة interests لو وقفت عليها هتلاقي قائمة ظهرت اخر حاجة هي الـ online learning لو دوست عليها هيحولك لموقع ليندا واللي اشتراه لينكدان كمان مؤخرا علشان الناس اللي عنده تتعلم وتستفيد باشتراك شهري 25 دولار هتتعلم من اكبر مصدر وافضل مصدر لتعلم الكورسات الاون لاين في جميع المجالات حقيقي مفيد جدا جدا جدا وممكن تعمل free trial وتجرب اكيد اكيد هتستفيد منه.
وخليك عارف ان تقدر تستفاد منة بكذا شكل و تغير حياتك 180 درجة
تعليقات
إرسال تعليق
أكتب تعليق اذا كان لديك اي افكار تتمني أن تجدها في موقعنا